Feb 25, 2011

I am happy... that's all

Жил жилийн энэ л өдөр би бодол сэтгэлдээ арай өөр өнцгөөс нэвтрэн орж, буйдхан буланд нь тухлан суугаад бодол, ухааныхаа жигнэсэн дундаж дүгнэлтийг гаргасаар даруй гурван оныг үджээ. Жигнэсэн дундаж гэж үнэндээ юуг хэлээд байгааг нь нарийн мэдэхгүй л дээ. Шууд үгчлэн ойлгохоор л хэрэглэчихлээ. 
Гэхдээ энэ оны хувьд би дэмий олныг нуршиж, дэндүү ихийг бясалгаж өөрийгөө болоод өрөөлийг залхаахыг хичээсэнгүй. Яагаад ч юм бичихсэн гэсэн бодол тээгээд байгаа хэрнээ бичлэг болгоод гаргах гэтэл нэг л эвлэж өгөхгүй байсаар гүн шөнийн нойр хугаслагдаж, үүр гэгээрэхийн тэмдэгээр л нүдний аньсагаа нийлүүлж, шүдний зуултаа султгалаа.  
Бодмоор байвч бодогдохгүй бодлууд... Бодогдоод байгаа хэрнээ бодож чадахгүй байгаа миний бие 2 энэ жил гүй мөн сайхан зохицож байна.
 Энэ бүхнийг би улам ээдрээтэй болгож, утга учиртай үгсээр илэрхийлэх гэж хичээхийг хүссэнгүй. Элдэв чамин, ганган гоёлгүйгээр....


Би аз жаргалтай байна. 



Тэгээд л болоо. Энгийн мөртөө агуу утга илэрхийлэх энэ үгс хорвоод мэндэлсэн өдөрт минь яг тохирно.  
Намайг хайрладаг, надад итгэдэг, намайг дэмжиж, түшиж байдаг, миний итгэл найдвар, урам зоригийн  тулгуур, инээмсэглэлийн минь шалтаг, шалтгаан болсон та нартаа ХАЙРТАЙ ШҮҮ! 

3 comments:

Koyuki said...

Tovchhon buguud todorhoi :D
Urgelj jargaltai baigaarai, busgui mini :D

tuvshinbayar said...

Chamaig az jargaltai baigaad bi ch bas bayartai baina. Go moogie

Anonymous said...

Хайртай... я тоже...

жигүүр